Noyabrın 21-də Azərbaycanda ilk dəfə olaraq xanımlardan ibarət Kamera Orkestrinin təqdimatı olub.
“İki sahil” xəbər verir ki, orkestrin yaradıcısı Azərbaycan Dövlət Opera və Balet Teatrının solisti, Xalq artisti Fidan Hacıyevadır.
Orkestr haqda danışan Bakı Musiqi Akademiyasının dosenti, tanınmış bəstəkar Könül Hüseynova bildirib ki, orkestrin adı məhz Fidan Hacıyevanın səs tembrinə uyğun olaraq seçilib: “Orkestr "Mezzo" adlanır”.
Xalq artisti F. Hacıyeva yaratdığı orkestrdə böyük perspektiv gördüyünü dilə gətirib: “Öz orkestrimin olması ən böyük arzum idi. Çox şükür ki, bu arzuma nail oldum. Böyük proqram hazırlayırıq”.
