Daimi oxucularımızdan biri olan təqaüdçü Rauf Hacıyev Vətən Müharibəsi dövründə qələmə aldığı şeiri redaksiyamıza ünvanlayıb.
“İki sahil” "Qarabağdan gələn səslər" adlı həmin şeiri təqdim edir:
Qoy ucalsın İlham səsi!
Ordumuzdan zəfər səsi
Şuşamızdan azan səsi
Qarabağın şikəstəsi
***
Zəngilandan Araz səsi
Qubadlıdan zəngi səsi
Cəbrayıldan qürur səsi
Qarabağın şikəstəsi
***
Kəlbəcərdən dağlar səsi
Laçından da qeyrət səsi
Füzulidən şair səsi
Qarabağın şikəstəsi
***
Cıdır düzdən yallı səsi
Topxanadan tarix səsi
Xocalıdan sevinc səsi
Qarabağın şikəstəsi
***
Üzeyir bəyin musiqi səsi
Bülbülün də o xoş səsi
Vaqif şeirlərinin səsi
Qarabağın şikəstəsi
***
Natəvandan xanım səsi
Arifdən də muğam səsi
Qoy ucalsın Xanın səsi
Qarabağın şikəstəsi
***
Bulaqlardan şır-şır səsi
Bülbüllərin cəh-cəh səsi
İnsanların alqış səsi
Qarabağın şikəstəsi
***
Susdurulsun mərmi səsi
Guruldasın fişəng səsi
Xalqımızın sevinc səsi
Qarabağın şikəstəsi
***
Qoy ucalsın İlham səsi
Eşidilsin Qələbə səsi
Dünya eşitsin bu səsi
Qarabağın şikəstəsi
30.10.2020
Rauf Hacıyev,
Təqaüdçü
