Milli Məclisin deputatı Anar Məmmədov və Goranboy Rayon İcra Hakimiyyətinin başçısı Məhərrəm Quliyev YAŞAT Fondu tərəfindən qardaş Türkiyə Respublikasında müalicə alan və 24 may tarixində 10 günlük vətənə dönən Vətən Müharibəsi qazisi, Borsunlu kənd sakini, 2001-ci il təvəllüdlü Nəsirov Elmar Elmir oğlunu növbəti dəfə evində ziyarət etdilər.
“İki sahil” xəbər verir ki, görüşdə Goranboy Rayon İcra Hakimiyyəti aparatının məsul əməkdaşları, rayon ağsaqqalları və ziyalıları iştirak etdi. Görüş iştirakçıları qəhrəmanlığa görə qaziyə öz ürək sözlərini bildirib, onun qayğıları ilə maraqlandılar.
44 günlük Vətən müharibəsində döyüş tapşırığını yerinə yetirən zaman ağır xəsarətlər alan Qarabağ qazisi Nəsirov Elmar keçdiyi döyüş yolundan, özünün və yoldaşlarının göstərdikləri igidlikdən danışdı. O, dövlət başçısına şəhid ailələrinə və qazilərə göstərilən diqqət və qayğıya görə minnətdarlığını bildirdi.
