07 iyul 2022 13:29
824

Nəqliyyat vasitələrinin hərracından dövlət büdcəsinə 1,22 milyon manat vəsait daxil olub

Bu ilin yanvar-iyun aylarında hərraclar yolu ilə 319-u satılıb nəqliyyat vasitələri satılıb, ki bu da ötən ilin eyni göstəricisini 3,7 dəfə üstələyir.

Əmlak Məsələləri Dövlət Xidmətindən “İki sahil”ə verilən məlumata görə, qeyd olunan müddətdə 24 hərrac keçirilib, hərraca çıxarılan nəqliyyat vasitələrin sayı isə 384 vahid təşkil edib.

İlin birinci yarısında nəqliyyat vasitələri üzrə ümumilikdə ilkin satış qiyməti 1 269 425 manat olsa da, rəqabətli hərrac nəticəsində bu, 1 620 911 manat təşkil edib.

Hesabat dövründə nəqliyyat vasitələrinin hərracından dövlət büdcəsinə 1,22 mln. manat daxil olub ki, bu da bir il öncəki göstəricidən 4,8 dəfə çoxdur.