Azərbaycan “Hökumət buludunun” (G-Cloud) yaradılmasında dünyanın qabaqcıl ölkələrinin təcrübəsindən istifadə edir.
“İki sahil” xəbər verir ki, bu barədə Azərbaycan Rəqəmsal İnkişaf və Nəqliyyat Nazirliyinin tabeliyində olan AzInTelecom MMC məlumat yayıb.
Qeyd edilib ki, "G-Cloud" layihəsinin yüksək keyfiyyətli və səmərəli həyata keçirilməsini təmin etmək məqsədilə ABŞ, Böyük Britaniya, Türkiyə, Norveç, İrlandiya və Estoniya kimi aparıcı ölkələrin bir sıra ixtisaslaşmış şirkətlərinin təcrübəsi öyrənilib:
"Müasir standartlara cavab verən "G-Cloud" konsepsiyasının inkişafı üzrə uzunmüddətli strategiyanın hazırlanması, eləcə də dövlət qurumlarının informasiya sistemlərinin bu “bulud”a keçidi müzakirə edilib. Bu istiqamətdə dövlət informasiya sistemlərinin xərclərinin azaldılması və fəaliyyətinin təkmilləşdirilməsi, o cümlədən təhlükəsizliyin artırılması, sabit və dayanıqlı İT infrastrukturunun təmin edilməsi istiqamətində işlər görülüb. Bu məqsədlə 7/24 fəaliyyət göstərəcək operativ əlaqələndirmə mərkəzinin və monitorinq xidmətinin yaradılması təklif edilir".
Xatırladaq ki, 2022-ci ildə Azərbaycanda “hökumət buluduna” keçmək üçün dövlət büdcəsindən doqquz milyon manat ayırmağı nəzərdə tutulur.
Bu vəsait müvafiq lisenziyaların alınması, "G-Cloud"un yaradılması və artıq sistemə qoşulmuş strukturlara texniki dəstək, eləcə də digər əməliyyatlar üçün istifadə olunacaq. Ümumilikdə 36 dövlət strukturunun "G-Cloud"a keçirilməsi nəzərdə tutulur.
Ramil İskəndərli: Azərbaycanın rəqəmsal sıçrayışı dövlət idarəçiliyində yeni mərhələnin göstəricisidir
Orta Dəhlizin tam gücü ilə işləməsi üçün 18,5 milyard avro investisiya tələb olunacaq
Hesablama Palatası taxılçılıqda dövlət dəstəyinin nəticəyönümlülüyünün artırılmasını təklif edir
Azərbaycan ABŞ universitetləri ilə aqrar təhsil və elmi əməkdaşlığı genişləndirir