13 iyul 2022 13:28
794

Valyuta hərracında bankların dollara tələbi azalıb

Bu gün Azərbaycan Mərkəzi Bankında (AMB) Dövlət Neft Fondunun iştirakı ilə növbəti valyuta hərracı keçirilib.

"İki sahil" AMB-yə istinadən xəbər verir ki, hərracda tələb 31,6 mln. ABŞ dolları olub və tam təmin edilib. Beləliklə, sonuncu valyuta hərracında tələb əvvəlki hərracla (7 iyul 2022-ci il tarixində keçirilib – red.) müqayisədə 18,9% azalıb. Qeyd edək ki, bundan əvvəlki hərracda banklar 39 mln. dollar cəlb etmişdi.

Qeyd edək ki, hərracda manatın ortaçəkili məzənnəsi 1,7000 səviyyəsində formalaşıb.