16 iyul 2022 11:40
779

Ağdam sənaye parkında infrastuktur tikintisinin başlayacağı müddət açıqlanıb

2022-ci ilin avqustunda Ağdam sənaye parkının rezidentləri zəruri infrastukturun tikintisinə başlamağı planlaşdırır.

“İki sahil” xəbər verir ki, bu barədə İqtisadi Zonaların İnkişafı Agentliyi məlumat yayıb.

Qeyd olunub ki, hazırda rezidentlərin torpaq sahələri ilə, zəruri infrastrukturla təmin olunması işləri, eləcə də obyektlərin tikintisinə hazırlıqlar aparılır.

"Sənaye parkının ərazisində torpağın düzləşdirilməsi üzrə işlər başlayıb. Avqust ayından tikinti işlərinə başlamaq nəzərdə tutulur.

Qeyd edək ki, Ağdam sənaye parkında hazırda doqquz rezident qeydiyyata alınıb. Bu rezidentlərin layihələrinin ümumi məbləği 50 milyon manat dəyərində qiymətləndirilir.