Asiya İnkişaf Bankı (ADB) Asiya ölkələrində iqtisadi artımın azalacağını proqnozlaşdırıb.
“İki sahil” xəbər verir ki, bu barədə ADB-nin “Regional Economic Outlook” hesabatının iyul sayında bildirilib.
Məlumata görə, Bank Asiyanın inkişaf edən iqtisadiyyatları üzrə 2022-ci il üzrə iqtisadi artım proqnozunu 5,2%-dən 4,6%-ə və 2023-cü il üçün 5,3%-dən 5,2%-ə qədər azaldıb.
Bildirilib ki, Çində COVID-19-la bağlı tətbiq edilən məhdudiyyətlər, inkişaf etmiş iqtisadiyyatlarda sərtləşmə və Rusiyanın Ukraynaya uzun sürən işğalının nəticələri, daha aqressiv pul siyasəti səbəbindən iqtisadi perspektivlərin pisləşməsi ADB-ni iqtisadi artımla bağlı proqnozuna yenidən baxmağa məcbur edib.
Bank yanacağın və ərzaq qiymətlərinin yüksəlməsi fonunda inkişaf etməkdə olan Asiya iqtisadiyyatları üçün inflyasiya proqnozunu 2022-ci il üzrə 3,7%-dən 4,2%-ə və 2023-cü il üçün 3,1%-dən 3,5%-ə qədər yenidən artırıb.
"Bununla belə, Asiya ölkələrində inflyasiya təzyiqləri dünyanın digər regionlarından daha azdır",-deyə hesabatda qeyd edilib.
Orta Dəhlizin tam gücü ilə işləməsi üçün 18,5 milyard avro investisiya tələb olunacaq
Hesablama Palatası taxılçılıqda dövlət dəstəyinin nəticəyönümlülüyünün artırılmasını təklif edir
Azərbaycan ABŞ universitetləri ilə aqrar təhsil və elmi əməkdaşlığı genişləndirir