2022-ci ilin yanvar-iyun aylarında Türkiyənin Bodrum şəhərində yerləşən limanlar kruiz gəmisi ilə səyahət edən 8 min 503 sərnişin qəbul edib.
“İki sahil” xəbər verir ki, bu barədə TurkicWorld-a Türkiyənin Nəqliyyat və İnfrastruktur Nazirliyindən bildirilib.
Nazirlikdən verilən məlumata görə, kruiz gəmiləri ilə Bodrum limanlarına 558 sərnişin gətirilib, bu gəmilər ilə limandan aparılan sərnişinlərin sayı isə 959 nəfər təşkil edib.
“2022-ci ilin yanvar-iyun aylarında Bodrum şəhərinin limanlarından dəniz nəqliyyatı ilə tranzit sərnişin daşımaları 6 min 986 nəfər təşkil edib”, - deyə nazirlikdən bildirilib.
Məlumatda bildirilir ki, qeyd edilən müddət ərzində Bodrum limanları 29 kruiz gəmisi qəbul edib.
Qeyd edək ki, 2022-ci ilin yanvar-iyun aylarında Türkiyə limanları 317 kruiz gəmisi qəbul edib. Bu gəmilərin göyərtəsində ümumilikdə 205 min 642 sərnişin daşınıb.
2022-ci ilin yanvar-iyun aylarında Türkiyəyə kruiz gəmiləri ilə 7 min 454 sərnişin gəlib, 11 min 580 nəfər isə yola düşüb.
Məlumatda qeyd edilib ki, göstərilən dövrdə Türkiyə ərazisində dəniz nəqliyyatı ilə tranzit sərnişin daşımaları 186 min 608 nəfər təşkil edib.
Orta Dəhlizin tam gücü ilə işləməsi üçün 18,5 milyard avro investisiya tələb olunacaq
Hesablama Palatası taxılçılıqda dövlət dəstəyinin nəticəyönümlülüyünün artırılmasını təklif edir
Azərbaycan ABŞ universitetləri ilə aqrar təhsil və elmi əməkdaşlığı genişləndirir