Qardaş Türkiyədə zəlzələdən əziyyət çəkənlərə yarım məqsədilə yaradılmış "Qardaş köməyi" platforması fəaliyyətini uğurla davam etdirir.

“İki sahil” xəbər verir ki,  platforma çərçivəsində yardımları toplamaq üçün Bakıda müxtəlif məntəqələrin yaradılması haqqında məlumatlar verilmişdir.

Bakı şəhəri, Xarici dairəvi küçəsi 2038-ci məhəllədə (73 saylı tam orta məktəbin yanı) yerləşən "Azərsun Holdinq" Satınalma Direktorluğunda yerləşən yardım toplama məntəqəsi, 13 fevral tarixindən Bakı şəhəri, Balaxanı qəsəbəsi - Binəqədi yolu 15 ünvanında yerləşən Makro 2000 fabrikinin ərazisinə köçürülüb. 

Xatırladırıq ki, Platforma çərçivəsində yardımlar əlavə olaraq Səməd Vurğun küçəsində Göy məscidin yaxınlığında yerləşən "Peynirci baba" mağazasında, Salyan şosesi, 22, Binə bazarının 14-cü sıra ilə üzbəüz yerləşən "Aqro Terminal" bazasında, Ağ şəhər, "Yaşıl Ada" nömrə 2-də toplanır.