2023-cü ilin yanvar-avqust aylarında Bakı şəhərində ticarət dövriyyəsinin həcmi 2022-ci ilin yanvar-avqust aylarlı ilə müqayisədə 3,7% artaraq 20372,8 milyon manat olub.

Bu barədə “İki sahil”ə Bakı Şəhər Statistika İdarəsindən bildirilib.

Qeyd edək ki, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 2,6% artaraq 11262,4 milyon manata, qeyri-ərzaq məhsullarının həcmi isə 5,2% artaraq 9110,4 milyon manata bərabər olub.

Əlavə edək ki, istehlak məhsullarının 35,7%-i hüquqi şəxs statuslu müəssisələrdə, 47,4%-i fərdi sahibkarlara məxsus ticarət obyektlərində, 16,9%-i isə paytaxtın məhsul bazarlarında satılıb.