OPEC-in Baş katibi Haytam əl-Qeys neftə olan tələbata dair nikbin olduğunu bildirib.

“İki sahil” xəbər verir ki, bu barədə “Reuters” məlumat yayıb.

Onun sözlərinə görə, neft-qaz sənayesinə kifayət qədər investisiya qoyulmaması enerji təhlükəsizliyi üçün risklərdən biridir. Haytam əl-Qeys, neft və qaz hasilatına investisiyaların davam etdirilməsinin vacibliyini qeyd edib və neft sektorunun maliyyələşdirilməsinin dayandırılması ilə bağlı çağırışları səmərəsiz adlandırıb.

Xatırladaq ki, bu yaxınlarda Səudiyyə Ərəbistanı və Rusiya neft hasilatının azaldılması ilə bağlı qərarlarını 2023-cü ilin sonuna qədər uzatdıqlarını elan ediblər. Səudiyyə Ərəbistanı neft hasilatını gündəlik 1 milyon barel, Rusiya isə 300 min barel azaldıb.