Azərbaycanda banklar uzunmüddətli dövrdə həm iqlim risklərinin təsirlərinin ölkə iqtisadiyyatında, xüsusilə də kənd təsərrüfatında daha çox hiss olunacağını, biznes modelin əhəmiyyətli dəyişikliklərə məruz qalacağını, həmçinin nəzarət orqanı tərəfindən tələblərin artacağını gözləyir.

“İki sahil” xəbər verir ki, bu barədə Azərbaycan Mərkəzi Bankının keçirdiyi “Dayanıqlı Maliyyə üzrə Sorğu” nəticələrində bildirilib.

Sorğu nəticələrinə görə, banklar iqlim dəyişmələri və ESİ (Ekoloji, sosial və idarəetmə) risklərinin təsirlərinin qısa və orta-müddətli dövrə aşağı olacağını gözləyir (~60%). Lakin uzun-müddətli dövrdə dayanıqlı maliyyə risklərinin “aşağı”dan “orta”ya (46%) keçidi gözlənilir.