"Orta Dəhlizin daha da inkişaf etməsi ilə bağlı Türkiyə, Azərbaycan və Qazaxıstan arasında razılıq əldə olunub".

“İki sahil” xəbər verir ki, bu barədə Türkiyənin nəqliyyat və kommunikasiya naziri Abdulkadir Uraloğlu Qazaxıstanın paytaxtı Astanada keçirilən “6-cı yeni İpək Yolu Nəqliyyat və Logistika İş Forumu”nda çıxışı zamanı deyib.

O bildirib ki, Orta Dəhlizin inkişafı ölkələr arasında əməkdaşlığa töhfə verəcək: “Biz Orta Dəhlizin inkişafı məsələsində qətiyyətliyik”.

Nazir söyləyib ki, Orta Dəhlizin inkişafı üçün müxtəlif layihələr həyata keçirilir.