Dünya Bankı (DB) Azərbaycanın 2025-ci ilə kimi dövlət büdcəsinin profisiti ilə bağlı proqnozunu yeniləyib.

“İki sahil” xəbər verir ki, bu barədə Dünya Bankının hesabatında bildirilib.

DB Azərbaycanın büdcə profisitinin ümumdaxili məhsulda (ÜDM) payını aprel proqnozunu ilə müqayisədə 4,8%-dən 3,1%-ə endirib. Proqnoz 2024-cü üzrə 4%-dən 3%-ə, 2025-ci il üzrə isə 3%-dən 2,9%-ə kimi azaldılıb.

"Fiskal balansın ortamüddətli perspektivdə profisitdə qalacağı və ÜDM-in orta hesabla 3,4 faizini təşkil edəcəyi təxmin edilir. Enerji gəlirləri yenidənqurma və inkişaf strategiyasının həyata keçirilməsi üçün daha yüksək xərcləri kompensasiya etməyə davam edir" - Dünya Bankının şərhində qeyd edilib.