Bu ilin yanvar-sentyabr aylarında Naxçıvan Muxtar Respublikasında 3 234 abonent genişzolaqlı internetlə təmin olunub.

Bu barədə "İki sahil"ə Naxçıvanın Rabitə və Yeni Texnologiyalar Nazirliyindən bildirilib.

Məlumata görə, 9 ayda GPON texnologiyası əsasında, “Evədək optika” layihəsi çərçivəsində 49 abonentə fiber-optik xətlər çəkilib, zəruri avadanlıqlar quraşdırılıb.

Bu işlər Naxçıvan şəhəri ilə yanaşı, muxtar respublikanın rayon mərkəzlərində və kəndlərində də həyata keçirilib, eyni zamanda istismar müddəti ərzində fiber-optik xətt sahəsində yaranmış nasazlıqların aradan qaldırılması istiqamətində operativ tədbirlər görülüb.

Bundan başqa, hesabat dövründə Naxçıvanda 1 263 abonent yeni stasionar telefon xətti ilə təmin olunub.