Soyuq havalarda insanlar tez-tez xəstəlik və viruslarla qarşılaşırlar. Daha az xəstələnmək üçün immunitet sistemini gücləndirmək lazımdır.  Həkimlər ilk növbədə qeyd edirlər ki, kişilər, bir qayda olaraq, qadınlara nisbətən mövsümi xəstəliklərdən daha çox əziyyət çəkirlər.

“Kişi orqanizmi soyuqdəymə və virus xəstəliklərinə çox həssasdır”, -deyə rusiyalı tibb elmləri doktoru, professor, Ümumdünya Profilaktik, Bərpaedici və Qocalma Əleyhinə Tibb Şurasının baş katibi Svetlana Trofimova bildirib.

Normalda kişilərin bədən istiliyi qadınlardan 0,5 dərəcə aşağıdır, buna görə də kişilər 37,0 - 37,9 temperatura dözmürlər.

Mütəxəssislərin fikrincə, aşağıdakı tədbirlər evdə immunitet sisteminizi gücləndirməyə kömək edəcək:

Sağlam yuxu

Məlumdur ki, bioritmlər bizim əhvalımızdan məsuldur. Yalnız yuxu deyil, həm də əhval-ruhiyyə, iştah, fiziki və zehni fəaliyyət yerində olmalıdır və təbii ki, immunitet onlardan asılıdır. "Bioloji saatınızı" cədvəlinizə uyğun qurun, kifayət qədər yuxu almağa başlayın. Bu zaman viruslar bədənə hücum edərsə, tez öhdəsindən gələcəksiniz.

Təmiz havada gəzmək

Gündəlik çöldə gəzintilər ürəyin və qan damarlarının işini yaxşılaşdırır, qan təzyiqini normallaşdırır, həmçinin əhval-ruhiyyəyə müsbət təsir göstərir.

Fiziki aktivlik

Bu, məlum həqiqətdir: müntəzəm olaraq idman edənlərin immun sistemi və sağlamlığı daha yaxşı olur. Digər şeylər arasında, həkimlər elastiklik məşqləri etməyi məsləhət görürlər. Məsələn, Çində insanlar tai çi ilə məşğul olurlar. Bu, əzələlərin performansını artırır və hərəkətlərin koordinasiyasını yaxşılaşdırır. Parkinson və Alzheimer xəstəliklərinin qarşısını almaq üçün də istifadə olunur.

Şəkərin əvəzlənməsi

Həkimlər deyirlər ki, şəkərdən imtina etsəniz, özünüzə əvəzsiz xidmət etmiş olarsınız. Hazır şirniyyatlar əvəzinə təbiətin nemətlərinə müraciət etmək daha yaxşıdır. Qızıl qayda budur ki, gündə kifayət qədər miqdarda antioksidant olan ən azı dörd rəngli tərəvəz və ya meyvə yemək immunitet sistemini aktivləşdirəcək. Unutmayın ki, vitaminlər və faydalı mikroelementlər anbarı olan əczaçılıq preparatları deyil, meyvə və tərəvəzlərdir.

Möhkəmləndirmə

Həkimlər bədəni sərtləşdirməyi məsləhət görürlər. Məsələn, kontrastlı duş bədəni möhkəmləndirir.

Nubar Süleymanova, “İki sahil”