Bu ilin III rübündə Energetika Nazirliyinin tabeliyində olan Enerji Məsələlərini Tənzimləmə Agentliyinə (AERA) 1 898 müraciət daxil olub.

"iki sahil" Agentliyə istinadən xəbər verir ki, bunlardan 1 679-u elektrik enerjisi təchizatı ilə bağlı (158-i məlumat üçün olmaqla), 158-i təbii qaz təchizatı ilə bağlı (8-i məlumat üçün olmaqla), 23-ü istilik təchizatı ilə bağlı (1-i məlumat üçün olmaqla), 38-i isə digər məsələlərlə bağlı (3-ü məlumat üçün olmaqla) olub.

Agentlik 1 320 müraciəti araşdırıb və cavablandırıb, o cümlədən 48 müraciəti müvafiq qaydada baxılması və tədbir görülməsi üçün aidiyyəti quruma göndərib.

2 müraciət Energetika Nazirliyi ilə müştərək icra olunub, 406 müraciət hazırda baxılma prosesindədir.

170 məlumat xarakterli müraciətdən 92-si qaldırılan problemlərin həlli ilə bağlı təşəkkür məktubu olub.