Rus alimləri ağciyər xərçənginin ən çox yayılmış forması – adenokarsinomadan sağ qalmağı proqnozlaşdırmaq üçün bir üsul hazırlayıblar.

Rusiya Elm Fondu modelin zülal molekullarının səviyyəsinin təhlilinə əsaslandığını bildirib. Zülal molekulları mitoxondrilərin keyfiyyətinə nəzarət edirlər. Bunlar tənəffüs və toxumaların normal fəaliyyətini təmin edən hüceyrələrdir.

Birdən orqanoidlərin işi pozulursa, patologiyalar, xroniki xəstəliklər və bədxassəli formasiyalar baş verə bilər.

Ancaq bədəndə hər şey çox düşünülmüşdür, buna görə də mitoxondrilərin normal vəziyyətini saxlamaq üçün mexanizmlər var. Onlara nəzarət etmək üçün tənzimləyici zülallar var, onların işi ilə mitoxondriyanın vəziyyətini qiymətləndirmək olar.

Tədqiqat zamanı alimlər qadınların normal toxumalarında və şiş toxumalarında mitoxondriləri tənzimləyən zülalların səviyyəsini müəyyən ediblər. Əldə edilən məlumatlara əsasən ekspertlər belə qənaətə gəliblər ki, bu modelin proqnozlaşdırma dəqiqliyi əvvəlkindən 20% daha effektivdir. Bu üsul həkimlərə daha dəqiq diaqnoz qoymağa və xəstəliyin nəticəsi haqqında daha inamlı danışmağa kömək edəcək.

Nubar Süleymanova, “İki sahil”