Yanaqların və dodaqların dişlənməsi şəklində obsessiv pozğunluq ağız mukozasında uzun müddət sağalmayan zədələrin meydana gəlməsinə səbəb olur. Bundan əlavə, onlar yoluxucu ola bilər.

Rusiyalı nevroloq Yekaterina Demyanovskaya belə deyib.

Tez-tez xəsarət almaq potensial olaraq leykoplakiyaya (xərçəngdən əvvəlki vəziyyət) və ya hətta xərçəngə səbəb ola bilər. Leykoplakiya zamanı ağız boşluğunda daimi travma nəticəsində selikli qişada lövhələr əmələ gəlir və keratinləşdirilmiş epitel hüceyrələri bədxassəli degenerasiyaya meyillidir. Statistikaya görə, leykoplakiya olan insanların 17% -ində ağız boşluğunun hüceyrəli karsinoması inkişaf edir.

“Bu cür pozğunluqlara mütləq diqqət etməlisiniz, dişləmənin səbəbi səhv dişləmədirsə, diş həkiminə müraciət etməlisiniz. Emosional gərginlik halında nevroloq və psixoterapevtlə əlaqə saxlayın”, - deyə mütəxəssis bildirib.

Nubar Süleymanova, “İki sahil”