Joqorku Keneş (Qırğızıstan parlamenti) ölkə bayrağının dəyişdirilməsi ilə bağlı qanun layihəsini birinci oxunuşda qəbul edib.

“İki sahil” xəbər verir ki, bu barədə Parlamentin mətbuat xidməti məlumat yayıb.

Qanun layihəsinə əsasən, bayraqdakı Günəşin şüalarının dalğavari formasının düz formaya dəyişdirilməsi təklif edilir.

Qanun layihəsinin təşəbbüskarları bildiriblər ki, bir çox insanlar belə şüaları günəbaxanlarla əlaqələndirirlər. Halbuki bu bitki Qırğızıstanın əsas kənd təsərrüfatı məhsulu da deyil.

Deputatların fikrincə, düz şüalar Günəş şüalarına daha çox bənzəyir.