Türkiyənin ixracat həcmi ilin sonunadək 255 milyard dolları ötəcək.

“İki sahil” xəbər verir ki, bu barədə Türkiyənin vitse-prezidenti Cevdet Yılmaz Ankarada keçirilən “Türkiyə - Özbəkistan Biznes Forumu”nda çıxışı zamanı bildirib.

O qeyd edib ki, 2002-ci ildən bu günədək Türkiyənin xarici ölkələrə ixracatı 7 dəfədən çox artıb.

C. Yılmaz, Özbəkistanla Türkiyə arasında da iqtisadi əməkdaşlığın dərinləşdiyini vurğulayıb. Onun sözlərinə görə, bu gün Türkiyə Özbəkistanın ən çox məhsul ixrac etdiyi 3-cü ölkədir. O, əlavə edib ki, iki ölkə arasında ticarət həcmi isə 3,5 milyard dollara çatıb.