Tarixin tozlu səhifələrindən mütəxəssislərin izah etməkdə çətinlik çəkdikləri sirləri siyahıya alan məzmunumuzu birlikdə nəzərdən keçirək...

Britaniya/Stonehenge abidəsi

Bu nəhəng tikili illər boyu sirrini qoruyub saxlayıb. Mənasının nə olduğu bilinməyən bu abidəni bəziləri bir çox ritualların edildiyi mərasim yeri, bəziləri isə necə işlədiyini bilmədiyimiz saat hesab edirlər. Britaniyada aparılmış araşdırmanın nəticələrinə görə, ölkənin əsas tarixi abidələrindən olan "Stonehenge"-i Anadoludan köç edənlər inşa ediblər. Mütəxəssislər Britaniyada neolit dövründə (e.ə. 5500-800) yaşayanların DNT nümunələrini eyni dönəmdə Avropada yaşayanların nümunələriylə müqayisə ediblər.

Kanada/Maqnit təpəsi

Maqnit təpəsi Nova Scotia əyalətinin Antigonish County bölgəsində yerləşən maraqlı bir coğrafi fenomendir. Bu bölgə, bir maqnit anomaliya səbəbindən nəqliyyat vasitələrinin və digər əşyaların vizualda cazibə qüvvəsinə qarşı olaraq yoxuş yuxarı hərəkət etdiyi təəssüratını yaradır. Bu, əslində optik illüziyadır. Yolu əhatə edən ərazinin maililiyi göz yanılması yaradaraq nəqliyyat vasitələrinin yoxuş yuxarı gedirmiş kimi görünməsinə səbəb olur, əslində isə onlar yoxuş aşağı gedirlər.

Bu cür maqnit təpələri dünyanın başqa yerlərində də tapıla bilər və həmişə maraqlı bir təbiət hadisəsi olaraq diqqət çəkir.

Polşada “sərxoş meşə”

Polşanın şimal-qərbində Qərbi Pomeraniya voyevodalığının ətrafındakı “əyri” və ya “sərxoş” adlandırılan meşə təxminən 400 məşhur şam ağacından ibarətdir. Ağacların bu qədər məşhur olmasının səbəbi isə maraqlı gövdələridir. Bəziləri ağacları güclü küləklərin əydiyini, digərləri isə sırf mebel istehsalı üçün bu cür əkildiyi versiyasını irəli sürüblər. Digər bir maraqlı versiyaya görə, bir seleksiyaçı insanların meşədə azmaması üçün belə addım atıb. Ona görə bütün ağaclar şimala tərəf əyilib. Lakin İkinci Dünya müharibəsinin başlanması səbəbindən həmin seleksiyaçı ideyasını sona qədər reallaşdıra bilməyib. Qrifino şəhərindəki 1,7 hektar ərazini əhatə edən həmin meşədə müşahidə olunan digər qeyri-adi hadisə isə burada quşların yaşamamasıdır.

Meksikada "Sükut zonası"

Sükut zonası Meksikada səhrada anomal zonadır. Qeyri-adi yerlərə planetimizin bir çox yerində rast gəlmək olar. Meşələr, dağlar, düzənliklər, çaylar, okeanlar - hər yerdə, hətta kiçik olanlarda da sirlər var. İsti, demək olar ki, yaşamaq mümkün olmayan səhralarda da tapa bilərsiniz izah olunmayan hadisələr. Bu seyrək bitki örtüyü olan səhra ərazisidir. İlk baxışdan darıxdırıcı, diqqətəlayiq, boş bir ərazi olsa da, səhra kifayət qədər məşhurdur. Yerli əhali onu “Sükut zonası” adlandırır və tədqiqatçılar onu Tetis dənizi adlandırırlar. Ərazi onun qəribə adını almışdır, çünki bu ərazidə televiziya və radio avadanlıqları dalğaları qəbul etmir və ya əksinə, radio siqnalı inanılmaz dərəcədə güclü olur. Bundan əlavə, avtomobilin mühərriki qəfil dayana bilər və naviqasiya cihazları düzgün işləməyə bilər.

Beliz/Böyük Mavi dəlik

Böyük Mavi dəlik, kiçik Mərkəzi Amerika əyalətinin sahillərində yerləşən, Atlantik Okeanında Beliz Baryer rifində böyük bir çuxurdur. Böyük Mavi Dəlik təbii bir formasiyadır. Uzun müddət əvvəl, Buz Dövründə dünya dənizlərinin səviyyəsi xeyli aşağı idi. Və burada buzlaqların yaxınlaşması zamanı tədricən suyun altına düşən əhəng daşı mağaraları sistemi var idi. Suyun təsiri altında mağaranın damı uçdu və huni əmələ gəldi - bu gün bizdə olanlar. Əksər nadir təbiət hadisələri kimi, Böyük Mavi dəliyin də mənşəyinin “yerdənkənar” versiyası var. Bəzi yerli sakinlər bu huninin qiymətli bir şey saxlamaq üçün belə maraqlı bir gəmi yaradan yerdənkənar sivilizasiyaların işi olduğuna inanırdılar.  Yalnız orada nə saxlayacaqları məlum deyil - bu sualın hələ də cavabı yoxdur. Bu versiya Mavi dəliyin hamar yan divarları sayəsində ortaya çıxdı, insanlar təbiətin belə mükəmməl işə qadir olduğuna sadəcə inana bilmirdilər.

Bermud üçbucağı

Bermud üçbucağı Atlantik okeanın şimalında Florida, Bermud adaları və Puerto Rikonu birləşdirən şərti xətlərin əhatə etdiyi üçbucaq formasında bir ərazdə yerləşir. Möcüzələr və müəmmalarla dolu olan bu yer planetin ən dəhşətli və müdhiş ərazisi hesab olunur. Buraya "Atlantik qəbiristanlığı", "ölüm və ya şeytan üçbucağı" da deyilir. Səbəb isə bu ərazidən keçən gəmilərin, təyyarələrin və s. heç bir iz qoymadan yoxa çıxmasıdır. Bu üçbucağın ilk qurbanı Xristofor Kolumbun donanması olub.

Nigar Orucova, “İki sahil”