Azərbaycan Mərkəzi Bankı (AMB) "Finans Kredit İttifaqı", "Total Finans Kredit İttifaqı" və "Stimul Kredit İttifaqı" MMC-lərə icrası məcburi göstəriş verib.

“İki sahil” bu barədə AMB-yə istinadla xəbər verir.

Məlumata görə, kredit ittifaqları 2024-cü ilin IV rübünə dair hesabatlar təqdim etməyib, bununla da, “Kredit ittifaqlarının prudensial tənzimlənməsi Qaydaları”nın 10.3-cü bəndinin tələbini təmin etməyib. Odur ki, “Kredit İttifaqına bank əməliyyatının həyata keçirilməsi üçün lisenziya verilməsi Qaydası”nın 4.4.4-cü maddəsinin tələbləri rəhbər tutalaraq, onlara bu hesabatların təxirəsalınmadan və növbəti dövrlərdə vaxtında təqdim edilməsi ilə bağlı icrası məcburi göstəriş verilib.