"Bank of Georgia" kartlarına sahib olan Rusiya vətəndaşları üçün 300 avrodan yuxarı məbləğdə alış-verişə məhdudiyyətlərin tətbiqi beynəlxalq sanksiyalara riayət etmək zərurəti ilə bağlıdır.

“İki sahil” TASS-a istinadla xəbər verir ki, bu haqda Bankın mətbuat xidmətinin nümayəndəsi bildirib.

Bankın mətbuat xidmətindən agentliyə bildiriblər ki, “Bank of Georgia" ABŞ, Avropa İttifaqı və Böyük Britaniyanın tətbiq etdiyi sanksiyaların tələblərini yerinə yetirib və yerinə yetirməkdə davam edir.

Bundan əvvəl, "Bank of Georgia"nın Rusiya vətəndaşlığı olan müştərilərinə lüks mağazalarda 300 avrodan çox alış-veriş etmələrini məhdudlaşdırdığına dair məlumatlar ortaya çıxıb.