Ermənistanda baş nazir və din xadimləri arasında münbasibətlər daha da kəskinkləşib.

“İki sahil” xəbər verir ki, bu ölkənin baş naziri Nikol Paşinyan Erməni Apostol Kilsəsinin arxiyepiskoplar Baqrat Qalstanyan və Gevorq Acapaxyanın cinayət təqibinin qanunsuz olması ilə bağlı bəyanatına reaksiya verib.

O, sosial şəbəkədəki hesabında din xadimlərini ölkədə hərbi çevrilişə dəstək verməkdə ittiham edib.”Əgər Ktriç Nersisyan (II Qaregin) V. Qalstanyan və G. Acapaxyanın saxlanılmasını qanunsuz hesab edirsə, deməli, o, həmin şəxslərin hərbi çevriliş həyata keçirmək, ölkədə xaos yaratmaq ideologiyasını və planlarını dəstəkləyir”, - deyə Paşinyan vurğulayıb.

Qeyd edək ki, iyunun 26-da Ermənistan İstintaq Komitəsi əsasən din xadimlərindən ibarət olan “Müqəddəs mübarizə” hərəkatının 16 üzvünü həbs edib. Onlar ölkədə terror aktları təşkil etmək və hakimiyyəti ələ keçirmək ittihamı ilə azadlıqdan məhrum olunublar.