Yəmənin Prezident Şurasının sədri Rəşad Məhəmməd əl-Alimi 2026-cı ildə Bakıda keçiriləcək 13-cü Ümumdünya Şəhərsalma Forumuna (WUF13) dəvət edilib.

“İki sahil” xəbər verir ki, Azərbaycan Prezidenti İlham Əliyevin dəvət məktubunu ölkəmizin Səudiyyə Ərəbistanındakı səfiri və İslam Əməkdaşlıq Təşkilatı (İƏT) yanında daimi nümayəndəsi Şahin Abdullayev Yəmənin xarici işlər naziri Şayi əz-Zindaniyə təqdim edib. Görüşdə Yəmən XİN rəhbəri ölkəsinin Azərbaycanla dostluq və əməkdaşlıq əlaqələrinin möhkəmləndirilməsində maraqlı olduğunu ifadə edib.

Eyni zamanda, nazir regionda baş verən son hadisələr, Qırmızı dəniz hövzəsində dünya gəmiçiliyi üçün yaranmış təhdidlər barədə danışıb.