Rusiya Xarici İşlər Nazirliyinin sözçüsü Mariya Zaxarova ABŞ Senatının təşəbbüslərini, o cümlədən Ukraynalı uşaqların ailələri ilə yenidən birləşdirilməsi təşəbbüslərini şərh edib. Onun sözlərinə görə, tədbirlər Moskva ilə Vaşinqton arasında dialoqu pozmaq məqsədi daşıyır.

“İki sahil” xəbər verir ki, bu barədə "Kommersant" məlumat yayıb.

Diplomat aydınlaşdırıb ki, mediada ABŞ Konqresinin yuxarı palatasının Rusiyanı Ukraynalı uşaqların oğurlanması iddiası ilə bağlı "terrorizmin sponsoru" kimi tanıyan qanun layihəsini nəzərdən keçirəcəyi barədə məlumatlar yayılıb.

Mariya Zaxarova bu təşəbbüsləri "reallıqdan kənar" adlandırıb və qeyd edib ki, bu addım Rusiyanın "cinayətkar" və "uşaq oğurlayan" statusunu möhkəmləndirməyə yönəlib.