Lənkəran şəhər 9 saylı körpələr evi-uşaq bağçası  əsaslı təmirdən sonra istifadəyə verilib.  İndi  burada xalqın gələcəyi olan uşaqların sağlam, savadlı, vətənpərvər böyüməsi üçün əlverişli şərait vardır.  Görkəmi ilə diqqət çəkən  bağça  225 yerlik olmaqla 10 qrupa bölünür. Bağçanın  bütün otaqları geniş və işıqlıdır.  Azyaşlıların   zövqünə uyğun dizayn edilib, onların rahatlığını, istirahətini   təmin etmək üçün əlvan rəngli inventarla təchiz olunub. Müxtəlif yaş qruplardan   ötrü  məşğələ və yataq otaqları, rəsm, idman və musiqi zalları, yeməkxana əsaslı şəkildə  təmir edilib, balaca fidanların  təlim-tərbiyəsi ilə məşğul olmaq, həmçinin onlarda bacarıq və istedadları aşkarlamaq üçün hərtərəfli şərait yaradılıb.

Bir sözlə, balacalar bağçada təkcə bilik deyil, həm də mehribanlıq, dostluq və qayğı hisləri ilə  vətənpərvər  boya-başa çatar,  gülüşü, sevinci bu məkanın ən böyük bəzəyi olacaq.

Zəfər Orucoğlu,
Azərbaycan Jurnalistlər Birliyinin üzvü