İran Hörmüz boğazında dəniz minalarının yerləşdirildiyi əraziləri keçərək alternativ gəmiçilik marşrutları tətbiq edib.

“İki sahil” xəbər verir ki, bu barədə Tasnim xəbər agentliyi məlumat yayıb.

İran gəmilərə Oman dənizindən şimala girməyi və Fars körfəzindən Lark adasının cənubundakı keçiddən çıxmağı tövsiyə edib. Agentlik həmçinin xəritə dərc edib. Xəritədə Hörmüz boğazının mərkəzində "təhlükə zonası" kimi təyin olunmuş böyük bir dairə göstərilir.

Bəyanatda deyilir: "Fars körfəzi və Hörmüz boğazındakı hərbi vəziyyət və əsas naviqasiya zonasında müxtəlif gəmi əleyhinə minaların olması səbəbindən bütün gəmilərə... dəniz təhlükəsizliyi qaydalarına riayət etmək və dəniz minaları ilə mümkün toqquşmaların qarşısını almaq üçün... Hörmüz boğazından keçmək üçün alternativ yollardan istifadə etmələri tövsiyə olunur...".