Böyük Britaniya hökumətinin Avropa İttifaqı (Aİ) ilə danışıqlara cavabdeh naziri Nik Tomas-Simonds ölkənin enerji təhlükəsizliyinin təmin olunması və enerji ödənişlərinin azaldılması üçün Aİ ilə münasibətlərin daha da dərinləşdirilməsinin vacib olduğunu bildirib.

“İki sahil” “The Independent”ə istinadla xəbər verir ki, Nik Tomas-Simonds London və Brüssel arasında enerji sahəsində yeni razılaşmanın əldə olunmasının “Brexit”dən sonra yaranmış bəzi mənfi nəticələrin aradan qaldırılmasına kömək edə biləcəyini bildirib. Onun sözlərinə görə, hazırda enerji alışı sistemi mürəkkəb, ləng və bahalı hesablamalara meyilli mexanizmə çevrilib. Nazir hesab edir ki, Böyük Britaniya ilə Aİ arasında elektrik enerjisi üzrə yeni saziş tərəflərə daha ucuz enerji təchizatında qarşılıqlı dəstək göstərməyə imkan verəcək.

“Bu əməkdaşlıq topdansatış enerji qiymətlərinin aşağı düşməsinə və nəticədə istehlakçıların enerji ödənişlərinin azalmasına səbəb ola bilər”, – deyə o vurğulayıb.