Fransa Hərbi Dəniz Qüvvələrinin "Şarl de Qoll" təyyarədaşıyan gəmisi yaxın günlərdə Ərəbistan dənizindəki missiyasını başa vuracaq və təmir üçün Tulon limanına qayıdacaq.
“İki sahil” xəbər verir ki, bu barədə "BFMTV" televiziya kanalı xəbər verib.
Məlumata əsasən, bu, iyul ayına planlaşdırılan planlı təmirdir və təyyarədaşıyan gəminin Yaxın Şərqə göndərilməsindən əvvəl razılaşdırılıb. Qeyd edilib ki, təyyarədaşıyan gəmi, digər tədbirlərlə yanaşı, Baltik dənizində keçirilən Orion təlimlərində iştirak etmək üçün yanvarın 27-də Tulon limanından yola düşüb. Oradan, ABŞ-İsrail müharibəsi zamanı Hörmüz boğazında gəmiçiliyin blokadası səbəbindən Şərqi Aralıq dənizinə, daha sonra isə Ərəbistan dənizi bölgəsinə yönləndirildi.
