İngiltərənin "Arsenal" klubu braziliyalı ulduz Vinisius Junioru transfer etmək üçün rekord maaş təklifinə hazırlaşır.

“İki sahil” xəbər verir ki, London təmsilçisi hazırda "Real Madrid"də həftəlik 400 min funt-sterlinq qazanan hücumçuya klub tarixinin ən yüksək əməkhaqqını təklif etməyi planlaşdırır.

Hazırda "Arsenal"ın ən çox qazanan futbolçusu Bukayo Sakadır. İngiltərə millisinin üzvü həftəlik 365 min funt-sterlinq əməkhaqqı alır.

25 yaşlı Vinisius Junior 2018-ci ildən "Real Madrid"in formasını geyinir. O, Madrid təmsilçisi ilə üç dəfə İspaniya çempionu, iki dəfə UEFA Çempionlar Liqasının qalibi olub, həmçinin bir sıra digər nüfuzlu titullar qazanıb.