Argentina Futbol Assosiasiyasının prezidenti Klaudio Tapia milli komandanın baş məşqçisi Lionel Skaloninin gələcəyi barədə danışıb.

“İki sahil” xəbər verir ki, Tapia 48 yaşlı mütəxəssisin komandada qalmasını istədiklərini bildirib:

"Mən Lioneli çox sevirəm. O, burada çətin günlər yaşadı. Hamımız onun qalmasını istəyirik. Danışıqlar çox irəliləyib. Mənim A, B və C planım Skalonidir", - deyə Tapia "TyC Sports-"a açıqlamasında bildirib.

Skaloni 2018-ci ildən Argentina millisinin baş məşqçisidir. Onun rəhbərliyi altında komanda 2021 və 2024-cü illərdə Amerika Kubokunu, 2022-ci ildə isə dünya çempionatını qazanıb.

Mütəxəssisin müqaviləsi 2026-cı ilin sonuna qədərdir.