Füzuli, Cəbrayıl və Hadrutda aparılan axtarış tədbirləri zamanı daha 35 erməni hərbçisinin cəsədi aşkarlanıb.

"İki sahil" Azvision.az-a istinadla xəbər verir ki, bu barədə Ermənistan KİV-ləri məlumat yayıb. Bildirilib ki, bu günə qədər axtarış tədbirləri zamanı itkin düşmüş hesab edilən 969 cəsədin qalığı tapılıb.

Məlumatda o da qeyd edilir ki, axtarışlar sözügedən ərazilərdə və digər bölgələrdə bu gün də davam etdiriləcək. Cəsədlərin Azərbaycan torpaqlarından tapıb yığılması işlərinə bəzi könüllü dəstələr və döyüşlər gedən ərazilərə bələd olan hərbçilər də qatılıblar.

Xatırladaq ki, dünən Füzuli və Cəbrayıl ərazisindən 41 erməni hərbçisinin cəsədi götürülmüşdü.