Məşhur türk aktyor Ayberk Pekcan vəfat edib.
“İki sahil” Türkiyə mediasına istinadla xəbər verir ki, aktyor uzun sürən xəstəlikdən sonra bu gün dünyasını dəyişib.
O, ağciyər xərçəngindən əziyyət çəkirdi.
Ayberk Pekcan 1970-ci ildə Mersində anadan olub. O, “İhlamurlar Altında”, “Yaprak Dökümü”, “Kurtlar Vadisi” və “Keşanlı Ali Destanı” seriallarında oynayıb. 2010-cu ildə baş rolda oynadığı “Saçlar” bədii filmi milli və beynəlxalq kinofestivallarda mükafatlar alıb. 2012-ci ildə ekranlara çıxan “Aşk ve Devrim” filmindəki roluna görə 23-cü Ankara Beynəlxalq Film Festivalında “Ən yaxşı köməkçi kişi aktyoru” mükafatına layiq görülüb.
