2 fevral Gənclər Günü ilə əlaqədar YAP Səbail rayon təşkilatının təşəbbüsü ilə bir qrup gənclə görüş keçirilib.

“İki sahil” xəbər verir ki, tədbiri açan YAP Səbail rayon təşkilatının sədri Muxtar Nağıyev ulu öndər Heydər Əliyevin Gənclər Gününü təsis etməsindən, gənclərə verdiyi dəyərdən danışıb. Bildirib ki, ulu öndər Heydər Əliyevin gəncliyə və gənclərə qayğısı yeni mərhələdə inkişaf etməkdədir.

Təbii ehtiyatlar, energetika və ekologiya komitəsinin sədri, Milli Məclisin deputatı Sadiq Qurbanov bildirib ki, Azərbaycanın gələcəyi gənclərin əlindədir. Ona görə də gənclərimiz cəmiyyətdə xüsusi yerə malikdir. Hazırda ölkəmizdə gənclər siyasətinin uğurla həyata keçirilməsini qeyd edən komitə sədri deyib: “Ölkəmizdə gənclərin məşğulluğunun təmin olunması da diqqət mərkəzindədir”.

“İstiqlaliyyət 6” ərazi partiya  təşkilatının sədri Mikayıl  Zeynalov da gəncləri təbrik edib. Gələcək işlərində müvəffəqiyyətlər arzulayıb. Azərbaycanda gənclər siyasətinin daha səmərəli həyata keçirilməsinə nail olmaq, cəmiyyətin bütün sahələrində gənclərin fəal iştirakına şərait yaratma lazım olduğu qeyd edib.

“Üzeyir Hacıbəyov 34” ərazi partiya təşkilatının sədri Soltanəli Qurbanov çıxış edərək gəncləri təbrik edib. Azərbaycan cəmiyyətində gənclərin rolunu  xüsusi vurğulayıb.

Sonda gənclər mükafat və fəxri fərmanlarla təltif olunub.