Masallıda  Qadınlar günü münasibətilə şəhid  ailələr ilə   görüş keçirildi. Dəyərlərin Təbliği Fondunun maliyyə dəstəyi, Masallı rayonu Ərkivan qəsəbəsi Qızlaküçə  məscidi dini icması və "Zəfər" Şəhid Ailələrinə Dəstək İctimai Birliyinin təşkilatçılığı ilə  baş tutan tədbirin iştirakçıları Masallı rayonunda yaşayan şəhid ailələrinin qadın üzvləri və ictimaiyyət nümayəndələri  idilər.

Əvvəlcə Masallı rayonunun Qəhrəmanlar parkında şəhidlərin xatirəsinə ucaldılmış abidə kompleksi ziyarət olunaraq önünə gül dəstələri qoyulub.  Tədbirin rəsmi hissəsi   şəhidlərin əziz xatirəsi bir dəqiqəlik sükutla anılmaqla başlandı.  Mənəvi Dəyərlərin Təbliği Fondunun icraçı direktoru M. İsmayılov, "Zəfər" Şəhid Ailələrinə Dəstək İctimai Birliyinin sədri S. Alızadə,  Masallı RİH başçısının birinci müavini M. Hüseynov, başçının müavini Aybəniz Qafarova, Qafqaz Müsəlmanları İdarəsinin Masallı bölgəsi üzrə qazisi R. Talıbov, Biləsuvar Qadın Resurs Mərkəzinin rəhbəri N. Əzizova,  eləcə  şəhid anaları çıxış etdilər və Vətən naminə canından keçən qəhrəman oğulların  ruhuna dualar oxundu.

 Zəfər Orucoğlu, 

Azərbaycan Jurnalistlər Birliyinin üzvü