Lənkəran şəhər Mədəniyyət Mərkəzinin  Münəvvər  Kələntərli adına Sənətkarlıq  klubunda Aprel döyüşlərinin  altıncı ildönümü münasibətilə keçirilən tədbirdə Azərbaycan Vətən Müharibəsi Veteranları İctimai Birliyinin Lənkəran Rayon Şöbəsinin sədr müavini Saleh Dostiyev, Lənkəran şəhər Veteranlar Şurasının sədr müavini Təzəxan Əsgərov,  veteranlar, Liman şəhər Folklor və Ləj kənd Sənətkarlıq klublarının əməkdaşları iştirak ediblər.

Vətənimizin ərazi bütövlüyü uğrunda şəhidlik zirvəsinə ucalan qəhrəman oğulların  əziz xatirəsi bir dəqiqəlik sükutla anılıb,  Aprel döyüşləri haqqında geniş məruzə dinlənilbi. Məruzədə qeyd edilib ki, bu zəfər Azərbaycan əsgərinin döyüş və mənəvi-psixoloji hazırlığının, qələbə əzminin yüksək olduğunu nümayiş etdirdi və  xalqımızın  heç vaxt işğalla barışmayaçağını  bir daha göstərdi. Döyüşlərdə qazanılan qələbə Azərbaycan Respublikasının Prezidenti cənab İlham Əliyevin uzaqgörən diplomatiyasının uğurlu daxili, xarici siyasətinin, sərkərdəlik məharətinin göstəricisi idi. Aprel zəfəri 44 günlük Vətən müharibəsindəki parlaq qələbənin, 30 il işğal altındakı Qarabağ torpaqlarının  azad etməsinin  və böyük qayıdış salnaməsinin başlanğıcı oldu.

Tədbir M. Kələntərli adına Sənətkarlıq klubunun "Kürə" bədii qiraət dərnəyinin üzvləri, Ləj kənd Sənətkarlıq klubunun bədii qiraət, eləcə rayonun incəsənət ustalarının  ifasında Vətən məhəbbətli  şerlər, musiqilərin səslənməsi  ilə  tamamlanıb .

Zəfər Orucoğlu,
Azərbaycan Jurnalistlər Birliyinin üzvü