Alban-Udi Xristian dini icması üzvlərinin 15 İyun Milli Qurtuluş Günü münasibəti ilə işğaldan azad olunan Laçın rayonuna səfəri təşkil olunub.
“İki sahil” xəbər verir ki, Dini Qurumlarla İş Üzrə Dövlət Komitəsinin təşkilatçılığı ilə baş tutan səfərdə məqsəd Laçın ərazisində yerləşən qədim alban məbədi olan "Ağoğlan" monastırını ziyarət etmək, Milli Qurtuluş Gününü orada qeyd etmək olub.
Qafqazdakı Alban Həvarilər Müstəqil Kilsəsinin daşıyıcısı olan Alban-Udi xristian dini icmasının üzvləri monastrda dini ayinlər icra edib, dualar oxuyublar.
