Oktyabrın 15-də Kiçik və Orta Biznesin İnkişafı Agentliyinin (KOBİA) rəhbərliyi Nərimanov rayonunda fəaliyyət göstərən arıçılıq məhsullarının 22-ci Respublika Sərgi-Satış Yarmarkasını ziyarət edib.

KOBİA-dan "İki sahil"ə verilən məlumata görə, yarmarkada təqdim olunan bal və arıçılıq məhsulları ilə tanışlıq çərçivəsində Azərbaycan Arıçılar Assosiasiyasının üzvləri ilə birgə arıçılarla satışa, sahənin inkişaf perspektivlərinə, çətinliklərinə və ehtiyaclarına dair söhbət aparılıb.

Qeyd edək ki, yarmarka oktyabrın 20-dək keçiriləcək. Yarmarkada 250 arıçı-fermer məhsullarını təqdim edir. Bu il yarmarkada 120 ton bal və arıçılıq məhsullarının satışı nəzərdə tutulur.