Saatlı, Sabirabad, İmişli və Biləsuvar rayonlarında 20 Yanvar şəhidləri böyük ehtiramla yad edilib.

“İki sahil” xəbər verir ki,  tədbirlərdə rayon icra hakimiyyətinin rəsmiləri, şəhidlərin ailə üzvləri, qazilər, veteranlar, ictimaiyyət nümayəndələri iştirak ediblər.

Şəhidlərin məzarları ziyarət olunub və ruhlarına dualar oxunub.

Saat 12:00-da onların əziz xatirəsi bir dəqiqəlik sükutla yad olunub və avtomobillərdən səs siqnalları verilib.