İqtisadi Zonaların İnkiafı Agentliyinin Peşə Təhsil Mərkəzində martın 1-dən “Elektrik avadanlıqlarına xidmət və təmir üzrə elektrik montyoru” ixtisası üzrə 3 aylıq ödənişli kurslara start verilir.

“İki sahil” xəbər verir ki,  ixtisas üzrə ödəniş 600 manat təşkil edir. Kurslarda dərslər həftə içi 5 gün saat 19:00-dan 22:00-dək, şənbə günü isə saat 09:00-dan 15:00-dək təşkil ediləcək.

Bu kurslarda iştirak etmək istəyənlər fevral ayının 24-dək ərizə, şəxsiyyət vəsiqəsi və 2 ədəd foto şəkil ilə Sumqayıt Kimya Sənaye Parkında yerləşən Peşə Təhsil Mərkəzinin inzibati binasına yaxınlaşmaqla qeydiyyatdan keçə bilərlər.

Əlavə məlumat üçün:

Telefon: (051) 205-97-51; (012) 525-39-57

E-poçt: info@ezda.edu.az

Sayt: www.ezda.edu.az

Qeyd edək ki, yaxın vaxtlarda Peşə Təhsil Mərkəzində, həmçinin aşağıdakı ixtisaslar üzrə 3 aylıq ödənişli kurslara start veriləcək:

İsitmə-soyutma, havalandırma sistemləri və avadanlıqları üzrə montajçı;

SMAW,MIG/MAG,TIG üsulları üzrə Qaynaqçı;

Proqramla idarə olunan dəzgahların operatoru;

Torna dəzgahının operatoru;

Frez dəzgahının operatoru;

Elektromexanika üzrə usta;

Python proqramlaşdırma;

Linux Redhat inzibatçılıq;

Yardım masası (Help Desk) üzrə mütəxəssis;

Kibertəhlükəsizlik mütəxəssisi.