Türkiyə 2023-cü ilin yanvar-fevral aylarında Azərbaycana kimyəvi maddə ixracını ötən ilin eyni dövrü ilə müqayisədə 15,1 faiz artıraraq 76,9 milyon dollara çatdırıb.

“İki sahil” xəbər verir ki, bu barədə TurkicWorld-a Türkiyə Ticarət Nazirliyindən bildirilib.

Fevral ayında Türkiyə Azərbaycana kimyəvi maddə ixracatını 2022-ci ilin eyni ayı ilə müqayisədə 7,4 faiz artıraraq 38,7 milyon dollara çatdırıb.

Qeyd edək ki, 2023-cü ilin fevral ayında Türkiyənin kimyəvi maddə ixracı ötən ilin eyni dövrü ilə müqayisədə 7,4 faiz azalaraq 2,3 milyard dollara bərabər olub.

Bu ilin yanvar-fevral aylarında Türkiyə 4,5 milyard dollar məbləğində kimyəvi maddə ixrac edib ki, bu da keçən ilin yanvar-fevral ayları ilə müqyisədə 0,5 faiz azdır.

Qeyd olunub ki, son 12 ay ərzində (fevral 2022- fevral 2023) Türkiyə 33,5 milyard dollar məbləğində kimyəvi maddə ixrac edib.