Sankt-Peterburqun Konqres və Sərgi Bürosu Bakıda keçirilən 19-cu Beynəlxalq “Turizm və Səyahət” sərgisində ilk dəfə Rusiyanın Şimal paytaxtını təqdim edəcək.

“İki sahil” xəbər verir ki, 4-6 aprel 2023-cü il tarixlərində Bakıda üç illik fasilədən sonra ilk dəfə olaraq 19-cu Azərbaycan Beynəlxalq "Turizm və səyahət" AITF 2023 sərgisi keçiriləcək və müxtəlif ölkələrdən turizm sənayesinin aparıcı oyunçularını bir araya gətirərək geniş çeşidli turizm təklifləri və xidmətlərini nümayiş etdirəcək.

Sankt-Peterburq nümayəndə heyəti tədbirdə ilk dəfə iştirak edəcək və Rusiyanın Şimal paytaxtının çoxşaxəli turizm potensialını təqdim edəcək.

Sankt-Peterburq ekspozisiyasının təşkilatçıları Turizm və qonaqpərvərlik sektorundakı şəhər təşkilatları ilə birlikdə Şimal paytaxtının turizm potensialını təmsil edən turizmin inkişafı Komitəsi və Sankt-Peterburqun Konqres və sərgi bürosudur.

Sankt-Peterburq ənənəvi olaraq Rusiyanın ilk 3 şəhəri sırasına daxil edilir, səyahətçilər arasında ən populyardır, onlara mədəni, təhsil, biznes, tədbir, sənaye, tibbi, qastronomik, su və digər turizm növləri üçün bütün imkanları kəşf etməyi təklif edir.

Sərginin üç günü ərzində stendi ziyarət edənlər Şimal paytaxtının turizm infrastrukturu - otellər, restoranlar, sərgi obyektləri, eləcə də yeni şəhər layihələri ilə tanış ola biləcəklər. Bundan əlavə, Sankt-Peterburqun tematik ekspozisiyasının tərəfdaşları - Moskva şəhərinin Turizm Komitəsi, Leninqrad vilayətinin Turizm İnformasiya Mərkəzi və Kazan şəhərinin Turizmin İnkişafı Komitəsilə birgə "İki şəhər ­­­­­– bir milyon təəssürat", "Rusiyanın Gümüş boyunbağı", "Böyük Volqa yolu" regional sərgilər təqdim edəcəklər.

Aprelin 5-də saat 12:00-da Konqres və Sərgi Bürosunda “Sankt-Peterburq Rusiyanın aparıcı turizm məkanı” adlı təqdimat keçiriləcək, burada sənayenin nümayəndəsi çıxış edəcək və şəhərin turizm imkanlarını təqdim edəcək. Həmçinin, birgə sərgi iştirakçılarının istiqamətlərini daha ətraflı işıqlandıracaq qısa təqdimatların keçirilməsi planlaşdırılır.