Azərbaycanın Dünya Bankı və Avropa Komissiyası ilə gələcək əməkdaşlığı Azərbaycanın 2026-cı ilə qədər sosial-iqtisadi inkişaf strategiyasına əsaslanır.

“İki sahil” xəbər verir ki, bu barədə Trend-ə Azərbaycanın iqtisadiyyat nazirinin müşaviri Əsgər Ələkbərov məlumat verib.

Onun sözlərinə görə, bu beynəlxalq qurumlar müvafiq əməkdaşlıq strategiyasının hazırlanması üzərində işləyirlər.

"Hazırda Dünya Bankı yaxın 2-5 il üçün Azərbaycanla bağlı müvafiq strategiya hazırlayır. İqtisadi və investisiya əməkdaşlığı çərçivəsində layihələr Avropa Komissiyası ilə müzakirə olunur”, - deyə o bildirib.

Əsgər Ələkbərov bildirib ki, DB və Avropa Komissiyası ilə iki ayrı razılaşma əldə olunacaq.