Biləsuvar rayonunda suötürücü keçidlər təmir olunur.
“İki sahil” xəbər verir ki, bu barədə Biləsuvar Rayon İcra Hakimiyyəti məlumat yayıb.
Belə ki, Aşağı Cürəli kəndində əkin sahələrinin yaxınlığındakı şor kollektorlarında olan 3 ədəd suötürücü keçid yararsız halda olduğu üçün yenisi ilə əvəzlənib.
Bundan əlavə Cənubi Muğan kanalının Ağalıkənd, Dərvişli və Zəhmətabad kəndlərindən keçən qollarında da lildən təmizlənmə işləri aparılıb.
