SOCAR-ın «Azəriqaz» İstehsalat Birliyi növbəti  «Açıq mikrofon» aksiyalarını Beyləqan rayonunu mərkəzində və  Bərdə rayonunun Qaradəmirçi kəndində keçirib. Sakinlər  aksiyaların imkanlarından istifadə edərək öz müraciətlərini Tərtər Regional Qaz İstismar İdarəsinin (RQİİ) rəhbərliyinə  ünvanlayıblar.

RQİİ-nin rəisi  Azay Muxtarov aksiyada səslənən sualları cavablandıraraq ünvanlanan təkliflərin aidiyyəti üzrə yönləndiriləcəyini və həlli istiqamətində işlər görüləcəyini bildirib. Aksiyada Birlik rəsmiləri ilə yanaşı, KOBİA-nın məsul şəxsləri də iştirak ediblər.

Qeyd edək ki, bu kimi vətəndaş qəbullarının keçirilməsi «Azəriqaz» İstehsalat Birliyi rəhbərliyinin  göstəriş və tapşırıqlarına uyğun aparılır.  Məqsəd əhalinini  qazla bağlı problemlərinin həllini sürətləndirməklə vətəndaş məmnuiyyəti qazanmaqdır.

Elçin Zaman, "İki sahil"