Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu aparatının və struktur bölmələrinin 2023-2024-cü illər üzrə maliyyə hesabatlarının beynəlxalq standartlara uyğun auditi üçün açıq tender elan edib.

“İki sahil” xəbər verir ki, tenderdə iştirak haqqı 450 manatdır.

İddiaçılar ilkin sənədləri dekabrın 1-i, saat 15:00-a qədər, tender təklifi və onun dəyərinin 1 %-i qədər bank təminatını isə dekabrın 11-i, saat 17:00-a qədər Fondun Bakı şəhəri, Yasamal rayonu, Həsən bəy Zərdabi küçəsi, 80 ünvanında yerləşən inzibati binasına təqdim edə bilərlər.

Təkliflərə dekabrın 12-də, saat 15:00-da qeyd olunan ünvanda baxılacaq.