Qazma qurğusu Mecidiyeköy-İstanbul Hava Limanı xəttində metro tunelinin tavanını yarıb.

“İki sahil” xəbər verir ki, xətdə hərəkət dayandırılıb.

Qəza yerli tikinti şirkəti tərəfindən aparılan yerüstü işləri zamanı baş verib. Mərhələlərdən birində qazma qurğusu tunelin beton tağını yarıb ki, bu da relslərə ziyan vurub.

Qeyd olunur ki, qəzadan sonra hərəkət xəttinin enerji təchizatı dayandırılıb, qatarla qazma maşınının mümkün toqquşmasının qarşısı alınıb.